Aktori i njohur shqiptar, Herion Mustafaraj, ka zbuluar në emisionin “Rudina” se ai po shijon një romancë të re. Ai ka treguar se partnerja e tij ka qenë mikesha e aktorit në lice, mirëpo dashuria e tyre kishte mbetur e pakonsumuar atë kohë. Pas rikthimit të tij në Shqipëri, ata ishin takuar pas 30 vitesh dhe mes tyre kishte lindur dashuria.
“Që kur kam ardhur në Shqipëri, u lidha me një mikeshën time që kemi qenë miq, shokë klase në shkollë të mesme, kemi bërë Liceun Artistik bashkë. U takuam pas 30 vitesh dhe e gjetëm përsëri njëri-tjetrin, edhe atë dashuri të pakonsumuar në atë kohë.
Ka pasur një simpati, por asgjë e konkluduar në atë kohë. Jeta erdhi në format e veta. Kemi gjetur njëri-tjetrin, dhe është një ndjenjë shumë e veçantë. Si të thuash, edhe të kthen mbrapsht në atë personalitetin tënd, kur ke qenë i pamanipuluar nga shoqëria. Mundohet njeriu të jetojë atë jetë dhe ato ndjenja”, ka treguar aktori.
