Aktivistja Evi Kokalari nuk ka të ndalur akuzat ndaj kryedemokratit Basha. Në kohën kur nesër pritet që mblidhet Kuvendi Kombëtar i PD-së në Pallatin e Kongreseve, Kokalari ka publikuar disa mesazhe në rrjetet sociale, që sipas saj, janë dërguar nga eksponentë përkrah Bashës. “Lulzim Basha, kërkon ndihmën tuaj për të mbushur sallën nesër”, shkruan Kokalari.
Nesër, në të gjitha degët e PD-së në rrethe, Sali Berisha dhe grupi që ai drejton do zhvillojë atë që e quan referendumi për shkarkimin e kryetarit Lulzim Basha, ndërsa kanë nisur edhe përgatitjet. Ky referendum zhvillohet për të ratifikuar vendimin që mori Kuvendi i thirrur nga Berisha më 11 dhjetor.
Komisioni i Rithemelimit ka ngritur edhe Komisionin e Organizimit dhe Kontrollit të Operacioneve Elektorale, që do të merret me drejtimin e procesit. Kryetare e këtij Komisioni do të jetë Albana Vokshi, ndërsa anëtarë do të jenë Ervin Minarolli, Enno Bozdo, Edith Harxhi dhe Keltis Kruja.
