Rreth 36 mijë maturantë në të gjithë Shqipërinë, kanë zhvilluar provimin e fundit të lëndëve me zgjedhje, gjatë ditës së sotme.
Ndërkohë, Ministria e Arsimit ka publikuar përgjigjet e tre provimeve të zhvilluara më parë dhe rezultatet janë vërtetë zhgënjyese.
Sipas rezultateve, rreth 2.274 nxënës nuk kanë kaluar vetëm në lëndën e matematikës, ndërsa të vlerësuar me notën 10 kanë rezultuar vetëm 0.6 % e nxënësve ose 220 maturantë.
Kujtojmë që procesi është vënë në pikëpyetje nga opozita për shkak të tezave të provimit që kanë dalë para kohe, duke u shoqëruar kështu me debate të shumta se teza ishte shitur.
Nga ana tjetër, Ministrja e Arsimit, Besa Shahini ka hedhur poshtë akuzat dhe sipas saj në provim ishte e pamundur të kopjohej.