Me potencën vokale dhe ritmet e këngës “Sekret”, Ronela Hajati ndezi skenën. Por kjo nuk ishte e mjaftueshme që ajo të rrëmbente votat drejt finales. Edhe televizioni i njohur britanik BBC ka komentuar një pjesë të performancës, duke ironizuar me lëvizjen e saj të kokës. “Kur taksia vjen në 5 dhe ju ende keni nevojë t’i thani flokët tuaja. #Albania?? #Eurovision”, ka shkruar BBC 3 në Twitter.
When the taxi’s arriving in 5, and you still need to dry your hair. #Albania?? #Eurovision pic.twitter.com/z2liS8dbe8
— BBC Three (@bbcthree) May 10, 2022
Që Ronela të kalonte në finale, i duheshin votat e shqiptarëve jashtë vendit tonë dhe vlerësimi i jurisë.
Me gjithë angazhimin maksimal, përfaqësuesja e Shqipërisë në Eurovision, këngëtarja Ronela Hajati nuk ka mundur të kualifikohet në finale. Ajo hapi natën e parë të këtij festivali me këngën e saj “Sekret”.
Regjisori Kastriot Çipi është një ndër zërat që ka reaguar ashpër ndaj performancës së këngëtares Ronela Hajati. Ai shprehet se këngëtarët i marrin duartrokitjet me zë, dhe jo me trup.
Statusi
“Që nuk është këngëtare, ajo e di edhe vetë. Këngëtarët i marrin duatrokitjet me zë. Me trup e me lëvizje i marrin pjeshkat.
Por dikush duhet t’i thotë se nuk është as pjeshkë, e gjora. Shumë shumë, mund ta quash shalqi”.
Në natën e djeshme performuan 17 shtete ku 10 prej tyre kaluan në finale.
