Media e njohur botërore, BBC ka komentuar vendimin e Këshillit Evropian, i cili refuzoi hapjen e negociatave me Shqipërinë dhe Maqedoninë e Veriut.
Në shkrimin e saj, BBC citon kreun e Këshillit Evropian, Donald Tusk, i cili më herët u shpreh se vendimi për të bllokuar negociatat me dy vendet ballkanike ishte i gabuar.
“Një pjesë e vogël e vendeve anëtare të BE, të udhëhequr nga Franca, vunë veton ndaj hapjes së negociatave me dy vendet e Ballkanit”, shkruan BBC.
Më tej, media ndërkombëtare citon sërish Donald Tusk, i cili tha dje gjatë konferencës për shtyp, pas vendimit të KE.
“Disa anëtarë nuk janë të gatshëm për të lejuar Maqedoninë e Veriut dhe Shqipërinë të bëhen anëtare të BE. Kjo është arsyeja pse ne nuk kemi arritur të marrim një vendim pozitiv. Personalisht mendoj se ishte një gabim”, deklaroi Tusk, raporton BBC.
