Partizani është mposhtur në ndeshjen e parë, të raundit të dytë në kompeticionin ”Conference League”. Demat u Kuq janë mundur me rezultatin e thellë 3-0 në transfertë nga skuadra e Bazelit.
Goli i parë i takimit erdhi në fund të pjesës së parë. Vendasit kaluan në avantazh me anë të futbollistit Stoker, në minutën e 43-të, i cili nuk fali me kokë brenda zonës.
Me këtë rezultat u mbyll pjesa e parë, ndërsa në të dytën, zvicerianët realizuan edhe dy herë. Ishte Kabral i cili në minutën e 52-të, realizoi një gol fantastik me roveshatë, duke dyfishuar shifrat.
Ndërkohë,në minutën e 83-të, Bazeli shënoi edhe golin e tretë, pas një aksioni mjaft të bukur nga e majta, ku Stoker, me portën e boshatisur, e kishte mjaft të lehtë ta shtynte topin drejt rrjetës.
Një rezultat që nuk i jep shpresë Partizanit për kalim në raudin tjetër, megjithatë kryeqytetasit do të provojnë të marrin një rezultat pozitiv në ndeshjen e kthimit.
