Një punonjës i patrullës së policisë është qëlluar me një mjet prerës dhe është larguar menjëherë. Ngjarja ka ndodhur te rrethrrotullimi i Bathores, ndërsa polici i lënduar është identifikuar si shtetasi Z.P, rreth 50 vjeç.
Policia e Tiranës ka arritur të identifikojë autorin e plagosjes, i cili është shtetasi Ramadan Marku, 20 vjeç, banues në Kamëz. Ky i fundit është shoqëruar në ambientet e policisë për veprime të mëtejshme proceduriale.
Fatmirësisht, punonjësi Z.P ndodhet jashtë rrezikut për jetën.
Informacion paraprak:
Më datë 22.09.2017, në Sallën e Komandimit ka ardhur njoftimi për një punonjës policie të plagosur me mjet prerës. Në vendngjarje kanë mbërritur shërbimet e policisë dhe ambulanca, ku nga verifikimi paraprak rezulton se:
Tek rrethrrotullimi i Bathores, punonjësi i patrullës, shtetasi Z.P., rreth 50 vjeç, i cili ka qenë i planifikuar me shërbim (patrullë këmbësore) është qëlluar me mjet prerës nga një person ende i paidentifikuar i cili është larguar.
Punonjësi i policisë është transportuar në spital për ndihmë mjekësore. Grupi hetimor po punon për identifikimin dhe kapjen e autorit dhe sqarimin e rrethanave të ngjarjes.
NJOFTIMI I POLICISË:
Kapet autori plagosjes së punonjësit të policisë.
Shërbimet e policisë Tiranë kapën shtetasin Ramadan Njazi, 20 vjeç, banues në Kamëz, i cili plagosi me thikë gjatë orarit të shërbimit punonjësin e patrullës Z.P., i cili ndodhet jashtë rrezikut për jetën.
