Pas Tiranës, edhe Bashkia e Përmetit ka shtyrë festimet për Ditën e Verës, kjo për shkak të motit me reshje. Meteorologët kanë raportuar se Dita e Verës, më 14 mars, do të jetë ditë dimri, ku moti do të pësojë ulje të ndjeshme temperaturash dhe reshje shiu.
Nisur nga këto kushte, pas Bashkisë së Tiranës, edhe Bashkia e Përmetit ka vendosur që festimet për ‘Ditën e Verës’ & ‘Hapja e Sezonit Turistik 2019’ të shtyhen në datën 17 Mars.
‘Eventi ‘Dita e Verës’ shtyhet në datë 17 mars! Për shkak të kushteve jo të favorshme atmosferike në datën 14 Mars, festimet për ‘Ditën e Verës’ & ‘Hapja e Sezonit Turistik 2019′ shtyhen në datën 17 Mars. Shpresojmë në mirëkuptimin tuaj dhe ju presim ditën e dielë për të festuar së bashku’, thuhet në sqarimin zyrtar të Bashkisë së Përmetit.
