Ndonëse ende nuk është vendosur zyrtarisht, gjasat janë që qeveria italiane të zgjasë afatin kohor të gjendjes së jashtëzakonshme. Shumë shtete kanë mbyllur kufijtë, duke i paraprirë një vale të dytë edhe më të ashpër, e shumë vende të tjera janë izoluar sërish duke u lënë një afat qytetarëve deri në 3 javë.
Mediat e vendit fqinj raportojnë se Italia po mendon të zgjasë gjendjen e saj të jashtëzakonshme mbi krizën si pasojë e pandemisë.
Gazetat Il Messagero dhe Corriere della Sera shkruajnë se një takim kabineti diskutoi çështjen lidhur me koronavirusin vdekjeprurës. Duke marrë parasysh faktin se tashmë jemi në një stinë virozash, kjo e komplikon edhe më tej situatën.
“Nuk është zyrtare akoma .. ndërsa në fillim (qeveria) foli për shtyrjen e saj përsëri në 31 dhjetor, gjatë takimit (qeveria) konsideroi të shkonte përtej fundit të vitit, duke pasur parasysh që bashkëjetesa me virusin është e destinuar për të vazhduar për një kohë të gjatë”, ka shkruar Il Messaggero.
