Gjatë ditëve të pandemisë në Shqipëri, kryeministri Rama dhe presidenti Ilir Meta kanë thyer karantinën. Gazetari Enkel Demi, ka patur një përballje të fortë me kryeministrin, duke i vënë në dukje se së bashku me presidentin, kanë shkelur izolimin. Rama i ftuar ditën e sotme në ‘ABC-ja e mëngjesit’, foli edhe për lëvizjen e lirë që ka zhvilluar ai vetë por edhe presidenti Ilir Meta.
Gjatë bisedës, Rama tha se për shkak të detyrës specifike që ka ai vetë dhe presidenti, i lejohet të lëvizë edhe jashtë fashave orare. Teksa gazetari Enkel Demi vënte në dukje këto shkelje, kryeministri u mundua ti shmangej kësaj çështje, duke kërkuar që të flitej për gjëra që i interesojnë publikut.
Biseda:
Enkel Demi: Ju jeni kryeministër i Shqipërisë, jo redaktor i medias
Edi Rama: Unë jam absolutisht jo redaktor i medias, por për sa kohë më keni përballë, nuk mund të thoni çfarë të doni.
Enkel Demi: Presidenti i Republikës nuk e ka respektuar rregullin e karantinës, në fundjavë. Ju vetë keni qenë në Vlorë, nuk e keni respektuar rregullin e karantinës.
Edi Rama: Kjo është e pavërtetë. Që në ditën 1, të gjithë personat që kanë një punë të përcaktuar…
Unë dhe presidenti i Republikës kemi një detyrë specifike, që na lejohet të lëvizim edhe jashtë fashave orare të lëvizjes.
Enkel Demi: Të bësh hiking, nuk është punë.
Edi Rama: Për presidentin është punë! Do flasim për gjëra që i interesojnë publikut?
Enkel Demi: Kush i përcakton gjërat që i interesojnë publikut? Sepse kjo mund të jetë një pyetje e ardhur nga publiku.
