Kryetari i Partisë Konservatore, Kujtim Gjuzi, i cili pranoi mandatin e deputetit, është shprehur se do të bëhej pjesë e protestës së 25 majit nëse do e ftonte Lulzim Basha.
I ftuar në “Rtv Ora”, Gjuzi deklaroi se është i gatshëm t’i bashkohet protestës së radhës së opozitës.
“Nëse do kem një ftesë të drejtpërdrejtë nuk kam për tja mbyllur telefonin. Kur dikush ma mbyll një herë telefonin mua, unë ja mbyll të paktën 2 herë”, tha ndër të tjera Gjuzi.
Pjesë nga biseda në studio:
Gjuzi: 12 kryeministrat e 12 prefektuara janë me status ushtaraku dhe ky është një grusht shteti. Prandaj Partia Konservatore e ka tëhën që është në grusht shteti Edi Rama.
Zheji: Basha një vit apo dy i vonuar?
Gjuzi: Unë mendoj se që nga data 26 qershor 2017 është i vonuar sepse natë ditë kamë qenë në zyrën e Bashës për ti thënë që këto zgjedhje kanë 24 mandate të intimiduara.
Më 25 maj është e drejta e kryetarit të PD-së, të bëjë protestën e radhës dhe të shpresojmë të gjejë koherencën dhe të mbledhë ata faktorë rezistentë të opozitësh shqiptare parlamentare.
Zheji: Ju do të jeni në protestë?
Gjuzi: Nëse do kem një ftesë të drejtëpërdrejtë nuk kam për tja mbyllur telefonin. Kur dikush ma mbyll një herë telefonin mua, unë ja mbyll të paktën 2 herë.
