Kryetari i Partisë Demokratike, Lulzim Basha thotë se kur vjedhja, keqqeverisja, ekonomia dhe shëndetësia janë sot drama e çdo shqiptari, kryeministri fshihet si struci pas lapsusit të tij.
Sipas Bashës, është tragjike të kesh një kryeministër që nuk do t’ia dijë se bizneset po mbyllen dhe shqiptarët po humbin punën.
”Kur vjedhja galopante, keqqeverisja, ekonomia dhe shëndetësia janë sot drama e çdo shqiptari,KM fshihet si struci pas një lapsusi. Tragjike dhe me pasoja është të kesh një KM që nuk do ta t’ja dijë për 6 në 10 biznese drejt mbylljes, e 100 mijë shqiptarë që kanë humbur punën’’, shkruan Basha në Twitter.
Basha bëri një lapsus duke thënë se 4 në 6 biznese po mbyllen, dhe kryeministri Rama e ironizoi në rrjetin social Instagram.
Kur vjedhja galopante, keqqeverisja, ekonomia dhe shëndetësia janë sot drama e çdo shqiptari,KM fshihet si struci pas një lapsusi. Tragjike dhe me pasoja është të kesh një KM që nuk do ta t’ja dijë për 6 në 10 biznese drejt mbylljes, e 100 mijë shqiptarë që kanë humbur punën.
— Lulzim Basha (@lulzimbasha_al) October 13, 2020
