Vora dhe Kukësi kanë zhvilluar sot një ndeshje miqësore, ku verilindorët arritën të dalin fitues me rezultatin 1-2.
Skuadra e drejtuar nga Fatjon Tafaj mori epërsinë që në pjesën e parë, duke realizuar dy herë me anë të Fadigas dhe Birçajt. Vora arriti të ngushtojë diferencën në pjesën e dytë falë një penalltie, por nuk mjaftoi për të shmangur humbjen.
Të dyja skuadrat e kanë mbyllur sezonin zyrtar në muajin prill dhe po vijojnë përgatitjet për edicionin e ri që nis në gusht.
Vora do të luajë për herë të parë në histori në Kategorinë Superiore, pas shpalljes kampione të Kategorisë së Parë. Ndërkohë, Kukësi ia doli të ruajë qëndrimin në Kategorinë e Parë falë fitores ndaj Orikut në sfidën “play-out”.
