Protesta e 9-të kombëtare e opozitës ka nisur ndërkohë kryetari i PD-së Lulzim Basha gjatë fjalës së tij e cilësoi kryeministrin Edi Rama “kryemafioz”.
Ai u zotua para gjithë militantëve të PD-së se 30 qershori do të jetë varreza politike e Edi Ramës:
“Shpeshherë na kanë përbuzur, na kanë mosbesuar, propagandë e tmerrshme ia ka dalë të shuajë zërin e së vërtetës, por sonte kjo merr fund. Hajduti më i madh që ka njohur Shqipëria.
Rama është arkitekt i qeverisë së krimit. Ora e së vërtetës erdhi. 6 vite me radhë qëndruat dhe ja më në fund e gjithë bota e pa fytyrën e vërtetë të Edi Ramës. 30 qershori do jetë varreza politike e Edi Ramës. E ka kthyer Shqipërinë në një pronë private të krimit të organizuar. Rruga jonë është rruga e Shqipërisë si e gjithë Evropa. Ajo është e mbushur me sakrifica. Ajo kërcënohet nga çmenduria e një kryemafiozi.
E kemi mbushur këtë shesh si asnjëherë, errësira e natës është shtrirë mbi qytetin tonë. Ndizini dritat që t’ju shohë gjithë bota. Ky oqean shprese, ky bashkim i jashtëzakonshëm është frika më e madhe e Edi Ramës. Dua të zotohem në emrin tuaj, para kombit dhe Evropës se kjo betejë nuk do të mbarojë me largimin e Edi Ramës, por vetëm kur të kemi vendosur kushte si e gjithë Evropa.
Largimi i Edi Ramës është i panegociueshëm. Jua kemi borxh çdo qytetari që këtë krizë të mos e mbyllim me një marrëveshje politike, do mbyllet jo mbi pazare, por vetëm mbi parime”.
