Basha: Vota për PD-në, mundësi për vendosjen e drejtësisë së mohuar në 8 vite

Kryetari i Partisë Demokratike, Lulzim Basha zhviloi një bashkëbisedim me të rinj dhe simpantizantë në qytetin e Kavajës.

Gjatë fjalës së tij, Basha u shpreh se duke votuar Partinë Demokratike, ai do të kishte mundësinë për të vendosur drejtësinë për çdo qytetar e qytetare që i është mohuar këto 8 vite.

Basha ripërsëriti prioritetet absolute të tij, të cilat janë integrimi në Bashkimin Europian dhe ekonomia.

Ndër të tjera, Basha deklaroi se misioni i tij është që t’i hapë rrugë rinisë, në mënyrë që ata të marrin në dorë fatet e vendit.

Lulzim Basha: ”Sot ka një mesazh, më 25 prill, duke votuar PD, ndryshimin, më jepni mundësinë mua dhe qeverisë të ardhshme për të vendosur drejtësinë për çdo qytetar e qytetare që i është mohuar këto 8 vite. BE dhe ekonomia janë prioritete absolute të programit tonë. Shtyllat e planit tonë, mbi të cilën kam shkruar dhe një libër, janë integrimi në BE, rritja e pagave, punësimi.

Nuk integrohesh në BE me 200 euro rrogë dhe një person që ka të gjitha pushtetet. Të gjithë shqiptarët e dinë se e vetmja mënyrë për të arritur paga dhe arsimim është anëtarësimi në BE. Misioni im tjetër në politikën është t’i hap rrugën të rinjve, ata që sot nga ambiciet janë njësoj si rinia Evropiane. Nëse ka një rrugë që Shqipëria ka hyrë në Evropë është rinia shqiptare, ndaj misioni im është të hap rrugën rinisë të marrë fatet dhe drejtimin e vendit.”