Në një prononcim për mediat, Berisha është pyetur nëse do të kërkojë nga SPAK, hetimin e Lulzim Bashës. Ish-kryeministri Berisha ka hedhur akuza mbi Bashën, duke u shprehur se ai ka procese hetimore me FBI-në, autoritetet belge dhe ndonjë qeveri tjetër ndërkombëtare. Berisha deklaroi se kryeministri Rama ia ka mbyllur dosjen Bashës, dhe se ai nuk do mund t’ia hapë dot.
“Unë nuk kam patur ndonjëherë, e kam deklaruar me kohë që është peng i Ramës. Faktet Prokuroria i disponon të gjitha, por mund të them me përgjegjësi të plotë, ditën e enjte, pas emisionit “Opinion”, ku Edi Rama desh ia mbathi kur i doli në LED çështje e inceneratorit.
Pas këtij emisioni, nuk deklaroi që i ka mbyllur atij dosjen ruse. Unë në atë kohë që unë e mohoja se ishte ruse, sipas Ramës ka qenë ruse. Është shumë thjeshtë e hetueshme. Tani që ka dhënë dorëheqjen, është anëtar i Grupit Parlamentar. Ka një seri procesesh. Ka procesin me FBI-në, me drejtësinë belge dhe me ndonjë drejtësi tjetër, me afera ndërkombëtare”.
A do i kërkoje SPAK të hetojë Lulzim Bashën?
“Po bën shaka apo e ke me vërtetë? Edi Rama e mbylli dosjen. E pohoi ai në Kuvend, tha SPAK-u është i PS-së. Ata mbyllin dosjen, dhe ti më thua që unë të kërkoj hapjen”.
I druheni kësaj krijese së PS-së, SPAK-ut?
“Absolutisht, as gjëje mbi tokë nuk i druhem unë, sepse unë kam kodin tim të pathyeshëm”.
