Kryedemokrati Basha edhe sot nuk ka ndalur akuzat ndaj kryeministrit Rama. Akuzat lidhen me incerenatorët dhe ligjin për vendosjen e maskave në çdo ambient.
Ai thotë se thesari zbrazet nga pagesat korruptive për inceneratorë. Kreu i PD-së u shpreh se qeveria nuk ka marrë asnjë masë, ndërkohë që rritet numri i të prekurve me Covid dhe se paketa e tretë nuk u bë kurrë realitet. Basha i është rikthyer testimeve për pandeminë, ndërsa ka kërkuar zbatimin e planit me 5 pika.
“E vetmja veprimtari e qeverisë në kohën kur çdo shtet tjetër merr masa kundër pandemisë, është që të gjobisë qytetarët, gjoba për bizneset, për këdo. Gjoba dhe vetëm gjoba.
Gjoba për të zbrazur dhe duke penguar incerenatorët e plehrave. Qeveria nuk ka marrë asnjë masë, ndërkohë që rritet numri i të prekurve me Covid. E vetmja masë e qeverisë është të gjobisë qytetarët.
Thesari zbrazet nga pagesat korruptive për inceneratorë, mbushet me gjobat mbi qytetarët. Paketa e tretë nuk u bë kurrë realitet.
Vendet e tjera kanë filluar paketën e katër-pestë. Gjobë për qytetarin, për shoferin, për biznesin, kjo është përgjigja e vetme e Ramës ndaj pandemisë, njëherë nxjerr blindat për të luftuar Covid tani fshihet pas maskave.
E keni parë që tani nuk tregojnë me sa teste bën ISHP dhe sektori privat. Përgjigjia është e qartë se Shqipëria vazhdon të mbetet vendi me numrin më të ulët. Prej marsit kam kërkuar rritjen e testimeve si mënyrën e vetme. Sot do ta nis edhe njëherë duke i kërkuar pa humbur kohë të zbatojë planin me 5 pika”, tha Basha.
