Edhe sot në seancën plenare është shkaktuar një përplasje e fortë mes Kujtim Gjuzit dhe Gramoz Ruçit. Deputeti i opozitës së re, Kujtim Gjuzi, ka shprehur shqetësimin se po censurohen, dhe se nuk u jepet e drejta për të shprehur pakënaqësitë. Por fjala e tij është ndërprerë nga Kryetari i Kuvendit, Gramoz Ruçi.
Debati:
Kujtim Gjuzi: Ne na mbyllet goja, ne jemi censuruar. Ne jemi ata që lejuan qeverinë e Ramës që të vazhdojë me rilindjen e saj. Ju para 7 vitesh këtu, keni thënë që ju do të mbani përgjegjësi për Ministrin e Brendshëm, Lulzim Basha, për 4 vrasjet në Bulevard. Pse nuk e çoni atë përpara drejtësisë? Ju keni thënë që Rruga e Kombit është e vjedhur…
Ruçi: Ke gjë për procedurën?
Gjuzi: Mos më merrni minuta, dua minutat shtesë.
Ruçi: Basha nuk është në Parlament.
Gjuzi: Ju keni afera me Lulzim Bashën në këto momente si mazhorancë. Kërkoni të bëni ratocion me Lulzim Bashën.
Ruçi: Të jesh mirënjohës, se të bëri deputet Lulzim Basha o burrë i dheut.
