Basha takon familjen e zhgënjyer nga PS: Ne me plan pune, jo premtime boshe

Kryedemokrati Lulzim Basha foli nga Durrësi ku ishte për vizitë në një familje të zhgënjyer nga qeverisja e PS.

Lulzim Basha:“Unë e kam kërkuar prej 2013 ndjesën, do e përsëris prapë sot. Problemin e legalizimeve duhet ta kishim mbyllur ne, nuk e mbyllëm. Ky erdhi me premtim për legalizime falas, kjo historia jote është ndër mijëra histori në Durrës dhe në gjithë Shqipërinë. Njësoj si me premtimet e tjera nuk e mbajti dhe për legalizimet. Më 25 prill është dita juaj. Ne kemi ardhur para shqiptarëve me plan pune jo premtime boshe. Tullumbacet elektorale e treguan se ku e çuan vendin. Edhe po të jesh anëtar i PS dhe po të vendosësh të vazhdosh me PS, një gjë të them duke votuar për ndryshimin më 25 prill i ke shërbyer familjes tënde, i ke shërbyer Shqipërisë. Angazhimet që kemi, zotimet që kemi dhe të gjitha ato që i kemi shpallur janë pjesë e një plani, nuk janë bërë dy muaj para fushate. Kemi dy vite që punojmë për çështjen e pronave, legalizimet për t’i dhënë zgjidhje kësaj plage. Ne kemi në dorë të bëjmë e zbatojmë planin, ju e keni në dorë ndryshimin me votë.

 

 

Do të takohemi prapë dhe pas 4 vitesh nëse këto premtime nuk janë realitet, nuk vij ta kërkoj më votën”