Kryetari i Partisë Demokratike, Lulzim Basha u takua sot në Durrës me disa banorë të një prej komplekseve më të mëdha që është dëmtuar nga tërmeti i 26 nëntorit. Mirëpo, ende nuk ka një vlerësim përfundimtar nëse ky objekt duhet të shembet.
Në kompleksin 12 katësh jetojnë rreth 1 mijë banorë, të cilët kanë si shqetësim kryesor zvarritjen e vendimmarrjes dhe mungesën e vëmendjes shtetërore.
Sipas kreydemokratit, rruga më e mirë për t’i ndihmuar banorët është rritja e numrit të inxhinierëve vlerësues.
“Ajo që po kërkojmë ne është të rritet numri i vlerësuesve, por që të jenë të certifikuar nga shteti, pasi kjo nuk është punë partish. Problemi kryesor që shoh është se, duke mos patur vlerësime, njerëzit, ndjehen të pasigurt, të paqetë, se edhe po qe lajm i keq, njeriu e ndan mendjen.
Ajo që tani kemi në dorë është të sjellim sa më shumë vëmendje tek ju”, tha Basha para banorëve.
