Bashkëngjitur tre fotove nga protesta e një dite më parë, kreu i PD-së, Lulzim Basha thotë se tashmë ka ardhur fundi i kësaj qeverie, e cila vjedh zgjedhjet me kriminelët.
Për të, ky është një kërcënim për demokracinë, sigurinë e mirëqenien e vendit. Për rrjedhojë, kryedemokrati shprehet se opozita e bashkuar do të vijojë misionin e saj për ëndrrën “E duam Shqipërinë si gjithë Europa”, me standardet evropiane për zgjedhje të lira, drejtësi dhe ekonomi të lirë.
“Ky është fundi i qeverisë-bandë të kapur duke vjedhur zgjedhjet me kriminelët, kërcënimi nr.1 për demokracinë, sigurinë, mirëqenien.
Nuk ka kompromis me ëndrrën tonë “E duam Shqipërinë si gjithë Europa”, me standardet europiane për zgjedhje të lira, drejtësi dhe ekonomi të lirë!”, shkruan Basha në Twitter.
