Kryetari i Partisë Demokratike, Lulzim Basha është takuar ditën e sotme me drejtuesit e degës së PD-së në qytetin e Kavajës. Ky takim vjen vetëm dy ditë para protestës së radhës të opozitës së bashkuar, e cila do të mbahet më 8 korrik.
Mësohet se lideri demokrat ka zhvilluar një takimin informal me drejtuesit e degës, ndërsa shoqërohej nga Sekretari i Përgjithshëm, Gazment Bardhi dhe kryetari i Bashkisë së Kavajës, Isa Sakja.
Basha nënvizoi se beteja e opozitës për zgjedhje te lira e të ndershme nuk ka për të njohur kthim pas, derisa kjo betejë të fitohet.
Ndër të tjera, shprehu mirënjohjen për këdo që i është bashkuar kësaj beteje.
