Mes personave që humbën jetën të enjten nga rrëzimi i helikopterit në Bahamas është edhe miliarderi Chris Cline.
Miliarderi vdiq në aksident së bashku me vajzën, tre miqtë e saj nga kolegji dhe dy persona të tjerë.
“Sot ne humbëm një yll dhe një mik shumë të ngushtë. Chris Cline ndërtoi një perandori dhe në çdo rast ishte gjithmonë aty për të dhënë. Çfarë njeriu i mrekullueshëm, i dashur dhe bamirës që ishte”, tha guvernatori Jim Justice.
Sipas forcave policore të Bahamas, vikimat ishin nga Shtetet e Bashkuara. Mediat e huaja raportojnë se brenda mjetit fluturues ndodheshin trupat e 4 femrave dhe 3 meshkujve.
Vajza 22-vjeçe e Cline, Kameron gjendej në mesin e të aksidentuarve, ndërsa u identifikuan dhe viktimat e tjerë: David Jude, 56 vjeç nga Kentucky; Brittney Layne Searson, 21 vjeç nga Palm Beach, Florida; Jillian Nicole Clark, 22 vjeç nga Los Angeles; dhe Delaney Lee Wykle, 22 vjeç nga Washington.
Miliarderi Chris Cline ishte i njohur edhe si një filantropist i madh në Virxhinian Perëndimore.