Kreu demokrat Lulzim Basha, në një deklaratë për mediat, ka kërkuar nga qytetarët që të jenë vigjilentë dhe të shmangin kontaktet me familjarët e infektuar nga koronavirusi.
Kryedemokrati Basha qetësoi shqiptarët se personeli mjekësor i ka kapacitetet për të përballuar fluksin e personave të infektuar. Po kështu, Basha tha se nuk është koha për të krijuar panik, por për të zbatuar me përpikmëri këshillat e parashtruara më herët nga mjekët. Duke iu vënë në krahë strukturave shëndetësore, ai tha se të gjithë do të dëgjojnë zërin e tyre.
“Shëndeti i shqiptarëve është në duart tuaja, të gjithë jemi në mbështetjen tuaj. Nuk duhet të nguroni çfarë ju nevojitet. Qeveritë shkojnë dhe vijnë, ata që do mbeten jeni ju!
Kemi ndër stafet me të specializuara për të përballuar çdo situatë. Duhet t’ju japin mjetet dhe fondet për të përballuar me sukses për këtë proces. Sa më shumë të flisni ju, aq më të qetë do jenë shqiptarët. Do dëgjojmë me vëmendje këshillat e mjekëve, dhe ti zbatojmë ato”, ka thënë Basha.
