Kryeministri Edi Rama premtoi ditën e sotme, se në mandatin e tretë qeverisës zonat urbane në 61 bashki të vendit, do të kenë ujë të pijshëm 24 orë.
Por, kryetari i Partisë Demokratike, shprehet se asgjë nuk ka ndryshuar në 8 vite të qeverisjes, pasi Rama vetëm ka premtuar dhe nuk ka i ka realizuar.
Basha publikoi në rrjetet sociale një video të Ramës, kur në vitin 2013 premtoi ujë 24 orë dhe tha se nëse do ishte ai në vend të Berishës dhe nuk do i mbante premtimet, do largohej vetë.
Teksti i videos
“Sa herë ka fushatë, thotë: ‘Ju japim ujë për të pirë!’
24 orë ujë brenda mandatit të tretë…
8 vjet në pushtet, të isha në vendin e tij, do kisha ikur, do kisha thënë: ‘Më falni, nuk arrita dot, bëra sa munda, po meqë nuk ju solla dot ujë, unë nuk e meritoj!’.
24 orë ujë brenda mandatit të tretë…
Sa herë ka fushatë, thotë: “Ju japim ujë për të pirë!”
24 orë ujë, 24 orë ujë, 24 orë ujë!
