Kreu i PD-së, Lulzim Basha, është pritur me protesta në qytetin e Laçit. Simpatizantë të Partisë Demokratike që nuk janë dakord me të, kanë hedhur thirrje kundër tij.
Thirrja “Basha ik” nga një grup simpatizantësh të Berishës, ka revoltuar personat që mbështesin kryedemokratin Basha.
Mes mbështetësve të PD-së ka patur dhe përplasje fizike, ku dhe është dashur ndërhyrja e policisë për të qetësuar situatën.
Takimi i kreut të PD-së në Laç, ka mbledhur simpatizantë si dhe deputetët e PD-së për qarkun e Lezhës.
