Kreu i PD-së, Lulzim Basha, është shprehur se opozita e bashkuar do të mbështesë hapjen 100% të listave.
Në një prononcim për mediat pas takimit me aleatët, Basha tha se do ta mbështesë hapjen e listave me kushtin që koalicionet të mos ndryshojnë dhe të jenë siç janë sot.
“Së pari dua të shpreh qëndrimin e opozitës e bashkuar se “5 qershori” që u votua ditën e djeshme është një bazë për garantimin e zgjedhjeve, nuk është ajo që dëshironim në por është nja marrëveshje e arritur edhe me ndihmën e ndërkombëtarëve.
Përshëndes qëndrimet e tyre që bëjë të qartë se konsensusi është rruga për të ecur përpara. Tryeza e Këshillit politik është vendi i vetëm ku duhet të diskutohet për një numër çështjesh.
PS dhe kryetari i saj kanë ndryshuar qëndrim disa herë dhe mendojnë se po ju shesin shqiptarëve dashurinë për listat e hapura , them se sot kemi mandatuar përfaqësuesit tanë në grupin e punës të përfaqësuesit politik që sa i takon kësaj Opozita e Bashkuar do të mbështesë hapjen 100% të listave me kushtin që as koalicionet të mos ndryshojnë dhe të jenë siç janë sot”, tha ai.
