Pas dërgimit të dosjes për lobimin rus në Gjykatë, ka ardhur edhe reagimi i Grupit Parlamentar i PS-së, Taulant Balla.
Përmes një postimi në Twitter, Balla i kërkon gjykatës të bëjë drejtësi e të zbardhë edhe akuzën për pastrim parash. Sipas tij, Basha nuk mund të gjykohet vetëm si falsifikator.
“Heshtje e madhe për dërgimin në Gjykatë të të pandehurit Lulëzim Basha vetëm me akuzën si falsifikator. Gjykata të bëjë drejtësi & të zbardhë edhe akuzën për pastrim të produkteve të veprës/veprimtarisë kriminale. Kush është burimi i L.Basha për 500Mijë & si u transferuan ato?
L.Basha nuk mund të gjykohet vetëm si falsifikator. Prokuroria në dokumentin e bërë publik ka vërtetuar pagesën 500mijë & vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron. Pse në konkluzion kjo akuzë mungon?”, shkruan ai në postimin e tij.
