Kryetari i Partisë Demokratike, Lulzim Basha është ndalur në Tepelenë, ku është pritur me entuziazëm nga qindra qytetarë dhe simpatizantë.
Gjatë fjalës së tij, Basha u shpreh optimist se PD-ja do e kthejë energjinë e qytetarëve në votë për ndryshimin.
Ndër të tjera, Basha iu bëri thirrje qytetarëve që të mos i hapin më derën “dështimit” që mban emrin Edi Rama.
Lulzim Basha: Turi ynë nuk ndalet këtu. Ditë pas dite deri më 25 prill derisa këtë energji ta kthejmë në votë për ndryshim, votë për numrin 9, votë për Tepelenën, votë për Labërinë. Shoh shpresë për ndryshim në sytë e kujtdo që takoj. Nënat e baballarët kërkojnë ndryshimin. Energjia jonë është pa kufij. Ti hapim radhët e bashkimit për ndryshim. Mos ia hapni për herë të tretë derën dështimit që nuk bëri asgjë për 8 vite.
