Kreu i Partisë Demokratike, Lulzim Basha u ndal sot në Paskuqan, ku ftoi qytetarët që të bashkohen në protestën e radhës të opozitës së bashkuar, e cila do të mbahet në 16 mars.
Duke u ndalur tek problemi i pronave, Basha tha se Partia Demokratike synon që të zgjidhë këtë problematikë duke planifikuar një fond të posaçëm për kompensimin e tokës sipas çmimit të tregut.
Po ashtu, kryedemokrati kishte një apel edhe për gratë e Paskuqanit, të cilat i thirri në protestë për të dëshmuar se të drejtat e tyre duhet të respektohen. Gjatë vizitës së tij në Paskuqan, Basha shoqërohej nga kryebashkiaku i Kamzës, Xhelal Mziu.
