Kryetari i Partisë Demokratike, Lulzim Basha vijon akuzat në drejtim të kryeministrit, Edi Rama në lidhje me menaxhimin e pandemisë Covid-19, në vend.
Basha u shpreh se mbi 60 persona humbën jetën si pasojë e virusit, por sipas tij, Rama bën meme në Instagram.
Për Bashën, kjo është një ditë e trishtë për vendin tonë.
”Mbi 60 njerëz vdiqën këtë javë nga virusi, mbi 60 familje të dërrmuara po qajnë dhe vajtojnë sonte të dashurit e tyre, ndërsa kryeministri i pandjeshëm dëfrehet duke bërë meme në Instagramin e tij. Ditë e trishtuar për vendin tonë!’’, shkruan Basha në rrjetin social, Twitter.
Mbi 60 njerëz vdiqën këtë javë nga virusi, mbi 60 familje të dërrmuara po qajnë dhe vajtojnë sonte të dashurit e tyre, ndërsa kryeministri i pandjeshëm dëfrehet duke bërë meme në Instagramin e tij. Ditë e trishtuar për vendin tonë!
— Lulzim Basha (@lulzimbasha_al) November 17, 2020
