Kryedemokrati Basha ka vizituar Kishën Ortodokse në Durrës, nga ku ka uruar të gjithë shqiptarët për Krishtlindjet. Basha theksoi se kjo është një festë që duhet të bëjë bashkë shqiptarët, e ndërsa lutjet e tij shkojnë për ata që kanë nevojë. Këtu i referohet personave të dëmtuar nga tërmeti shkatërrimtar i 26 nëntorit.
“Nga Kisha e “Shën Palit” dua të uroj nga zemra të gjithë besimtarët e krishterë të Durrësit dhe të gjithë Shqipërisë Krishtlindje të gëzuara! Kjo festë sjelltë besim, shpresë dhe ua mbushtë zemrat me dritë të gjithë shqiptarëve!
Mendimet dhe lutjet e mia janë për ata që kanë më shumë në nevojë, në veçanti, për të goditurit nga tërmeti i 26 nëntorit. Qoftë kjo festë, kjo ditë e shenjtë e lindjes së Krishtit edhe një thirrje për një bashkim më të madh, me të fuqishëm, si një familje, për të përballuar çdo të keqe dhe për të dalë në dritën e begatisë dhe bekimit të Zotit! Gëzuar! Zoti e bekoftë Shqipërinë!”, deklaroi Basha.
