Kryetari i Partisë Demokratike, Lulzim Basha ka zhvilluar sot një takim me ish-deputetët dhe me ata që kanë qenë pjesë e Komisionit të Ekonomisë.
Mësohet se lideri demokrat i ka porositur ish-deputetët që deri kur të vijë dita e protestës së shtatë kombëtare, ata të kenë zhvilluar takime më të paktën 40 mijë biznesë, në mënyrë që t’i bashkohen protestës së opozitës së bashkuar.
“Takime kapilare me biznese te Tiranes. Nuk duhet lënë asnjë biznes pa prekur. Deri të dielën para protestës te jenë takuar me rreth 40 mije biznese në Tiranë. T’u lihet fletëpalosja me pikat kyçe të programit të PD për biznesin, kryesisht biznesin e vogël, fletëpalosja me taksat e rritura ne Tiranë dhe të ftohen të marrin pjesë ne protestë”, deklaroi Basha.
