“Opozita e Bashës”, është tema e cila po diskutohet në emisionin “Opinion”, pas manifestimit të mbajtur nga presidenti Ilir Meta. Gazetari Robert Rakipllari është shprehur se kryedemokrati Basha, e ka mirëpritur në frontin opozitar Metën. Po ashtu, Rakipllari është i mendimit se lëvizjet e fundit të Metës, formojnë opozitën e plotë dhe i shton më shumë mbështetës kësaj të fundit.
“Protesta kishte qytetarë prej të gjitha partive opozitare, sipas meje. Por ndryshe nga protestat e tjera që ka organizuar opozita, në këtë protestë qytetarët pa organizim partiak. Meta me lëvizje e fundit politike me thirrje e protestës, kjo është lëvizje opozitare.
Mendoj se Basha thjesht e ka mirëpritur në frontin opozitar edhe Metën në këtë moment. Presidenti e ka kapur me presh në duar mazhorancën, dhe i gjithë populli opozitar ka dal në shesh për këtë gjë. Kjo për mua është një futje në front. Lëvizja e presidentit i shton opozitës qytetarët që nuk i kishte, shton opozitën e plotë”, tha ai mbrëmjen e sotme.
