Kryedemokrati Basha ka paralajmëruar se shqiptarët do të jenë të bashkuar, për të marë fatin në dorë. Mesazhi i radhës vjen pas takimit të mbajtur me kryetaren e LSI-së, Monika Kryemadhi.
Pas paralajmërimeve që vijnë nga ana e policisë për dhunë në protestë, Basha i qëndron bindjes se ka ardhur koha për të ndëshkuar qeverinë, pasi populli vuan pasojat. Po kështu ai sinjalizon qeverinë se do të ketë një revoltë, nëse do hasin në pengesë të protestës.
“Shqiptarët do të vijnë të bashkuar dhe të vendosur nesër në Tiranë! 16 shkurti është dita kur një popull që është vjedhur, është tradhëtuar, është poshtëruar nga një klikë që e varfëron përditë, ngrihet të marre në dorë fatet e tij si cdo popull Europian.
Në Europë ku duam të shkojmë, kur qeveria kapet duke vjedhur, ndëshkohet qeveria, IKIN HAJDUTET NË BURG! Nuk VUAN populli!
Përgjegjësia për cdo pengesë që i bëhet të drejtës së shqiptarëve për të protestuar kundër pushtetit të vjedhur me votat e krimit do bjerë e gjitha mbi këtë qeveri hajdute dhe kryehajdutin e saj! Sovrani në Republikën e Shqipërisë është populli shqiptar!”, shkruan Basha në Facebook.
