Kryetari i PD-së Lulzim Basha ka reaguar së fundmi përmes dy postimeve në rrjetin social Twitter, ku i bën thirrje kryeministrit Edi Rama që “të mbledhë mendjen dhe të sigurojë jetën e qytetarëve”.
Ndër të tjera Basha shkruan se Rama më në fund e pranoi të “vërtetën se maskat janë të skaduara”.
Reagimi i plotë i Bashës: “Më në fund e pranoi të vërtetën. Maskat janë të skaduara. Si të tilla ato nuk mund të jenë masë mbrojtëse për personelin mjekësor. Edi Rama mblidh mendjen dhe siguro jetën e qytetarëve! Lëri lojrat e fjalëve dhe fokusohu tek problemi kryesor që kanë sot shqiptarët.
Nuk jemi në luftë, jemi në situatë emergjence që kërkon seriozitet dhe përgjegjshmëri. Dhe jo shfaqje me maska të skaduara mbi fytyra të skaduara”.
