Pak më herët, ish-deputeti i PD-së Ervin Salianji tha se nuk i druhet vendimit që do të marrë nga Gjykata për dosjen “Babale”, pasi sipas tij, është një vendim politik.
Pas pretencës, Salianji u shpreh se në këtë rast Prokuroria është bërë pjesë e llumit. Pas tij, një reagim ka ardhur nga ana e kryedemokratit Basha. Sipas tij, Rama ka rikthyer gjyqet politike kundër opozitës.
Basha paralajmëron se askush nuk do të arrijë kurrë t’i mbyllin gojën as Ervin Salianjit, dhe asnjë përfaqësuesi politik të Partisë Demokratike.
Statusi
30 vjet pas rrëzimit të diktaturës, Edi Rama rikthen në Shqipëri gjyqet politike kundër opozitës. Për të dënuar Ervin Salianjin, që denoncoi me fakte, përfshirjen e vëllait të Ministrit të Brendshëm në trafik droge, Edi Rama përdori dy prokurorë të korruptuar, Kolë Hysenaj dhe Genci Qana, që zbatuan sot skenarin e dështuar për t’i mbyllur gojën opozitës.
Pretenca e dy prokurorëve të korruptuar është paracaktuar nga Edi Rama që të nesërmen e publikimit të skandalit.
Askush, nuk do të arrijë kurrë t’i mbyllin gojën as Ervin Salianjit, dhe asnjë përfaqësuesi politik të Partisë Demokratike. Beteja jonë me krimin e organizuar, dhe denoncimi i lidhjeve të krimit të organizuar me Qeverinë e Edi Ramës dhe shërbëtorëve të tij në drejtësi, nuk ka për tu ndalur.
