Kryetari i Lëvizjes për Zhvillim Kombëtar, Dashamir Shehi ka deklaruar se opozita nuk mund të marrë pjesë në zgjedhjet lokale pas daljes nga Parlamenti.
I ftuar në studion e lajmeve në “Rtv Ora”, Shehi u shpreh se opozita e bashkuar ka zgjedhur për lider kreun e PD, Lulzim Bashën, ndërsa theksoi se “Basha duhet të jetë strumbullari ku agravohemi të gjithë.”
Sa i përket partive të vogla që vazhdojnë regjistrimin në Komisionin Qendror të Zgjedhjeve, Shehi nuk e sheh shqetësues, teksa thotë se ka edhe disa njerëz seriozë që mendojnë se mund të ndryshojnë diçka, për të cilët ish-deputeti uron që ata të vazhdojnë punën e tyre.
Pjesë nga intervista:
Dashamir Shehi: U bë gati dy muaj që kemi qëndruar në mes, do hyjmë s’do hyjmë. Duhet të sqarojmë njerëzit që nuk do hyjmë. Në fund të fundit llogjika këtu të çon. Dolëm nga zgjedhjet e mëdhaja, dolëm nga parlamenti, si do hyjmë në zgjedhjet e vogla? Gjykoj se nuk ka kushte. Ne dolëm nga salloni dhe të hyjmë në zgjedhje të vogla nuk shkon. Nuk mund të hyjmë nga salloni në korridor.
Beti Njuma: Ka ende partiçka të vogla që vazhdojnë regjistrimin në KQZ…
Dashamir Shehi: Le të regjistrohen, nuk e shoh ndonjë dramë të madhe këtë punë. Këtu ka tre faktorë që e ushqejnë këtë punë.
-Faktori bazë është egoizmi shqiptar, mania për protagonizëm është gjithmonë.
-Kjo mazhorancë do ti ushqejë për të bërë këtë punë
-Brenda kësaj zallamahie shqiptare ka edhe disa njerëz serioz që mendojnë se mund të ndryshojnë dhe unë uroj të vazhdojnë punën e tyre.
Ne si opozita kryesore gjykojmë se këtu nuk ka vend për të hyrë.
Ne grupi opozitar kemi zgjedhur zotin Basha. Të tjerët janë si ne. Basha duhet të jetë strumbullari ku agravohemi të gjithë.
