Kreu i qeverisë Edi Rama, i është përgjigjur deklaratës së kryedemokratit Lulzim Basha se sistemi shëndetësor është në kolaps nga koronavirusi.
Duke iu kundërpërgjigjur akuzave të kreut të PD-së, Rama thotë se spitalet nuk janë në kolaps.
Pas akuzave që lideri i selisë blu i ka bërë qeverisë për mos-menaxhimin si duhet të pandemisë Covid, Rama ia kthen me të njëjtën monedhë. Ai thotë se Basha synon panikun dhe çoroditjen me dizinformimet e përditshme. Kryeministri e konsideron sjelljen e Bashës si të një fëmije të llastuar që kërkon se s’bën lodrën e tij.
Statusi
Lulëzim është jo vetëm e kotë po edhe e ulët rrekja jote për ta bërë Covidin pjesë të frontit qesharak opozitar!Kjo luftë është e vështirë për çdo shtet, s’ka si të jetë e lehtë për Shqipërinë, por spitalet Covid nuk janë aspak në kolaps siç predikon ti dhe lufta vazhdon papushim!
Ti synon panikun dhe çoroditjen me dizinformimet e përditshme, por kjo sjellje mizerabël prej kalamai të llastuar që do me çdo kusht lodrën e vet, do të të kthehet mbrapsht si një shuplakë më shumë nga ky popull që nuk e bën dot për budalla, as ti,as Mona,as Likja e as Saliu!
Ti synon panikun dhe çoroditjen me dizinformimet e përditshme, por kjo sjellje mizerabël prej kalamai të llastuar që do me çdo kusht lodrën e vet, do të të kthehet mbrapsht si një shuplakë më shumë nga ky popull që nuk e bën dot për budalla, as ti,as Mona,as Likja e as Saliu!
— Edi Rama (@ediramaal) November 9, 2020
