Kryetari i PD-së, Lulzim Basha, ka vendosur që sot në orën 17:00 të mbledh kryetarët e degëve të Tiranës. Takimi në fjalë do të mbahet për sezonin e protestave, për të cilat opozita ndërmori vendimin edhe për djegien e mandateve. Po kështu, në mbledhje do të shqyrtohet edhe caktini i objektivave të protestës së të enjtes para Parlamentit.
Të enjten që lamë pas, mijëra qytetarë u mblodhën para Parlamentit, duke kërkuar largimin e kryeministrit Edi Rama në këtë protestë të thirrur nga opozita e bashkuar. I pritur nga qindra mbështetës, Lulzim Basha deklaroi se mandatet më të pastra i kthehen popullit.
