Në orën 21:00, kryetari i PD, Lulzim Basha do të dalë në një deklaratë urgjente për mediat nga selia blu. Burime pranë PD thanë se konferenca vjen pas publikimit nga gazeta “Bild” të përgjimeve të reja ku zyrtarë të lartë të shtetit, përfshirë edhe kryeministrin Edi Rama janë të përfshirë në manipulimin e zgjedhjeve të pjesshme lokale të Dibrës.
Tabulatet telefonike të publikuara nga “Bild”, tregojnë se në fenomenin e shit-blerjes së votave ishin të përfshirë direkt ose indirekt zyrtarë të lartë të mazhorancës, duke filluar nga kryeministri Edi Rama, deri te zyrtarët e thjeshtë.
Gazeta gjermane “Bild” publikoi sot 16 përgjime të reja në kuadër të dosjes 184 për blerjen e votave në Bashkinë e Dibrës.