Sekretari i Përgjithshëm i Partisë Demokratike, Gazment Bardhi këmbëngul se zgjidhja e vetme për daljen nga kriza është mbajtja e zgjedhjeve të parakohshme parlamentare dhe lokale.
Teksa ishte i ftuar në “News24”, Bardhi nënvizoi se mundësimi i zgjedhjeve të lira e të ndershme për qytetarët shqiptarë është detyrë e opozitës jashtëparlamentare.
Ndër të tjera, ai deklaroi se shefi i qeverisë Edi Rama nuk ka vullnet për të përmbushur atë që duhet të përmbushë çdo kryeministër në një proces zgjedhor.
“Ne e kemi thënë që s’kemi problem të përballemi me këdo, përfshi edhe Ramën. Ajo që kërkojmë është që Shqipërisë t’i garantohen zgjedhje të lira e të ndershme. Zgjedhjet e viteve të fundit kanë treguar se nëse palët marrin pjesë në barazi në një proces zgjedhor, PD dhe koalicioni opozitar mund PS dhe padyshim edhe Edi Ramën. Pra, nuk është problem për ne Rama”, shtoi Gazment Bardhi.
