Sekretari i Përgjithshëm i PD, Gazment Bardhi ka reaguar pas deklaratës së kryeministrit Edi Rama, i cili ironizoi procesit e përgjedhjes së deputetëve në këtë parti.
Teksa shpërndan në rrjetin social, Facebook një nga përgjimet e Bild për zgjedhjet lokale të vitit 2016 në Shijak, Bardhi thotë se Rama është i frikësuari i madh nga zgjedhjet brenda partisë së tij.
Sipas Bardhit, kryeministri për të mbajtur Dakon me shokë në kryesinë e PS, anuloi zgjedhjet për organet drejtuese në parti.
Postimi i Bardhit në Facebook
”Edi Rama i frikësuari i madh nga zgjedhjet brenda partisë së tij qenka marrë sot me procesin demokratik të përzgjedhjes së kandidatëve në PD. Ekzaktësisht i njëjti kryetar partie, që për të mbajtur Dakon me shokë në kryesinë e PS, anulloi zgjedhjet për organet drejtuese në partinë e tij. I njëjti që tallet me procesin e përzgjedhjes së deputetëve në partinë e tij duke i trajtuar ata si porte e aeropote në 3D. Nuk ka shqiptar që nuk e di, që Edi Rama përzgjedhjen e kandidatëve në Partinë e tij e bën në bashkëpunim me krimin e organizuar. Kush e ka harruar, me poshtë gjen një provë të qartë që e ka dëgjuar e gjithë bota.”
https://www.facebook.com/gazment.bardhi/videos/10224005903285106/
