Partizani vazhdon me marshin e fitoreve, pasi ka mposhtur Laçin në “Selman Stërmasi” me rezultatin e ngushtë 1-0. Me këtë fitore “Të kuqtë” qëndrojnë në vendin e parë, por vazhdojnë të kenë një hap pas Skënderbeun i cili pret të përfitojë nga një gabim.
Për “demat e kuq” shënoi Jurgen Bardhi në minutën e 62-të të sfidës, ndërsa Elvi Berisha la laçin me 10 futbollistë në minutat e fundit, pasi u ndëshkua me karton të kuq, për një ndërhyrje vërtetë të rëndë.
Skënderbeu është rikthyer te fitorja, pasi ka mposhtur Flamurtarin me rezultatin minimal 1-0, në një nga ndeshjet më të rëndësishme të javës së 13 të Kategorisë Superiore.
Ka qenë pikërisht një vlonjat, heroi i korçarëve për takimin e sotëm, pasi ishte goli i Dejvi Bregut, shënuar në minutat e fundit të takimit, vendosi fatin e takimit.
Kështu Ilir Daja rikthehet me humbje në Korçë, aty ku u shpall kampion me Skënderbeun në sezonin e kaluar, ndërsa këta të fundit rigjejnë fitoren, pas humbjes befasuese ndaj Laçit një javë më parë.
