Sekretari i Përgjithshëm i PD-së, Gazment Bardhi, i ka kthyer përgjigje ministres Elisa Spiropali, në lidhje me reformën zgjedhore.
Përmes një postimi në Twitter, Bardhi thotë se reforma zgjedhore nuk mund të kalojë kontrabandë sa për t’u hedhur hi syve ndërkombëtarëve, po ajo duhet të garantojë zgjedhje të lira dhe të ndershme.
Sipas tij, kryeministri Edi Rama ka frikë nga kjo reformë e propozuar sipas kushteve të Gjermanisë dhe BE-së.
“Elisa Spiropali duhet t’i mësojë Edi Ramës se Reforma Zgjedhore sipas kushteve te Gjermanisë, nuk ngjan me traun e doganës, qe e ul e ngre vetë, sipas dëshirës. Reforma e vërtetë zgjedhore nuk kalon dot kontrabandë për t’u hedhur hi syve shqiptarëve dhe Perëndimit që, bashkë me opozitën, duan të garantojnë zgjedhje të lira e të ndershme.
Edi Rama ka frikë nga reforma zgjedhore sipas kushteve të ??&??. Vota e lirë i jep fund pushtetit të tij të vjedhur dhe të blerë nga krimi dhe korrupsioni.
Shqipëria si Evropa është rruga e vetme. Edi Rama nuk e ndalon dot me asnjë makinacion!”, shkruan ai në postimin e tij.
