Ministri për Rindërtimin Arben Ahmetaj ishte i ftuar mbrëmjen e sotme në emisionin “Opinion”, prej ku foli ndër të tjera për banesat e dëmtuara nga tërmeti, teksa theksoi se 3400 shtëpi do të ndërtohen brenda këtij viti.
Ahmetaj njoftoi se ndërtimi i banesave të dëmtuara do të nisë në fund të Qershorit, maksimumi në mes të Korrikut.
“Ne kemi filluar punë për rindërtimin. 3400 shtëpi do të ndërtohen brenda këtij viti. Ne nesër fillojmë në të gjithë zonën e dëmtuar me shkollat. Sot që flasim po bëhen projektet e detajuara të banesave kolektive. Puna fillon në fund të Qershorit, maksimumi në mes të Korrikut”, u shpreh Ministri, shkruan “opinion”.
