Ministrja e Infrastrukturës, Belinda Balluku shprehet se se ndërtuesit e rrugës së Arbrit kanë premtuar se projekti do të jetë gati në pranverën e vitit të ardhshëm.
Në një intervistë për ABC News, Balluku tha se pjesa më e madhe e kësaj rruge ka përfunduar. Ajo theksoi se është në mbyllje puna për urën në fshatin Fshat dhe vijon puna për tunelin lidhës të Murrizit.
“Rruga e Arbrit kam përshtypjen se është një kontratë që dhe pse mbaron në nëntor, ndërtuesit kanë premtuar live kryeministrit dhe besoj se ajo rrugë do të përfundojë në pranverë të 2021. Ajo rrugë nuk e ka problemin te trasetë, janë duke u mbyllur urat dhe tunelet, tashmë është duke u mbyllur ura në fshatin Fshat, një ndër më të vështirat dhe pse është më e shkurtër e se Ura e Vashës dhe është duke u mbyllur tuneli i Murrizit që pritet që të jetë pjesa e fundit mbyllëse e rrugës, dhe kur të hapet ajo do të jetë e plotë”, tha ajo.
