Pandemia solli mbylljen e kufijve ajror dhe tokësor. Ende nuk ka një vendim final për Italinë, ku për momentin mbetet pengesa kryesore për lëvizjen e lirë në këto kohë. Ministrja e Infrastrukturës dhe Energjisë, Belinda Balluku, tha se me shtetin fqinj do të vijohet me riatdhesime, deri në një qartësim të situatës.
“Pas datës 26 qershor, do të ketë një vendim për Italinë dhe Spanjën, si dy vendet më shumë të prekura nga pandemia. Janë dy shtete që nuk do të hapen njëkohësisht. Ndaj me Italinë do të vijojmë procesin e riatdhesimit, që unë mendoj që është një proces që ka funksionuar”, tha Ballaku.
Por ndryshe nga çfarë ka thënë ministrja, duket se situata me Italinë është qartësuar e madje janë caktuar edhe datat se kur do të nisin fluturimet.
‘Faxweb.al’ ka siguruar një dokument, ku shihet se Italia ka miratuar fluturimet me Shqipërinë, të cilat do të rininisin nga data 16 qershor.
Bëhet fjalë për disa kompani ajrore, të cilat rinisin udhëtimet me shtetin fqinj, ndërsa ishin mbyllur pas shpërthimit të COVID-19.
