Reshjet e dendura të shirave në ditët e fundit shkaktuan probleme në disa qarqe të vendit, e kryesisht situata ishte me problematike në Shkodër dhe në Lezhë, ku mijëra hektarë tokë ishin nën ujë, ndërsa disa familja u evakuuan.
Marrë shkas nga akuzat e ish-kryeministrit Sali Berisha, se shkak për përmbytjet në Shkodër është bërë keqqeverisja, një reagim ka ardhur zv.kryeministrja dhe ministrja e Infrastrukturës dhe Energjisë, Belinda Balluku.
Në llogarinë e saj në Facebook, Balluku ka risjellë përmes një video deklaratat se si në 2010 Berisha “shfajësohej” nga përmbytjet në Shkodër.
“Meqenëse këtyre ju ka vdekur burrëria, nderi dhe fjala, të paktën t’ju freskojmë memorien kur shkarkonin në mënyrë kriminale në 2010 më shumë se 107% të prurjeve të kaskadës së Drinit, duke përmbytur 14. 280 hektarë, e nxjerrë në rrugë 12.145 persona. Si shkon e i qan hallet sot pa pikën e turpit. Nuk ka asnjë krahasim mes menaxhimit të kaskadës sot me 2005-2013. Paska ardhur koha të hapim arkivat e të ballafaqojmë faktet, se e gënjeni ditën për diell e për shi këtë popull”, shkruan Balluku.
