Ish-deputeti i Partisë Demokratike, Klevis Balliu ka “shpërthyer” në akuza ndaj kryeministrit Edi Rama për platformën anti-KÇK, që u prezantua sot nga vetë kreu i qeverisë.
Teksa ishte i ftuar në “News24”, Balliu u shpreh se Rama krijoi këtë platformë, me qëllim për t’i shpallur “luftë” SPAK-ut dhe BKH-së.
Sipas tij, armiqtë e kreut të qeverisë janë Gjykata Kushtetuese, Presidenca dhe opozita e bashkuar. Ndërsa shtoi se ishte kjo e fundit që largoi “deputetët kriminelë” nga Kuvendi.
“Anti-KÇK u krijua për t’i shpallur luftë BKH-së dhe SPAK-ut. Ai e di se këto dy institucione nuk kanë me kë merren përveç Frrokut dhe Rroshit, etj. Për SHBA, me rendësi është SPAK-BKH.
Ne e dimë, e dimë se kush do dënohet nga këto institucione. PD ka depozituar një kallëzim penal kundër qeverisë për Astirin. Përballë njërës shtëpi i jepet leje ndërtimi tek Astiri, po si ka mundësi që aty ku prishet, ndërtohet një tjetër (25-30 metra larg).
Ne kemi bërë një kallëzim penal ku kemi depozituar dokumente. Prokuroria duhet të nisë hetimet, të pezullojë projektin korruptiv. Ai teksa po prezantonte paketën anti-KÇK, kishte përballë Rrajën.
Armiqtë e Ramës janë Gjykatë Kushtetuese, Presidencë, opozita. Opozita ia nxori kriminelët nga Parlamenti, do të dalin dhe të tjerë emra. Ai varet nga krimi (Rama). Për të mbrojtur kokën e vet ai ngriti KÇK, se e pret burgu. Ai është në origjinën e vet (Rama). Duke kapur drejtësinë, loz për kokën e tij. Ai po e zyrtarizon shtetin policor për të ushtruar dhunë.
Ne sot jemi më shumë sesa ishim dje. Kemi bërë një kallëzim penal, deri në pezullimin e hetimeve. Siç u bë me rastin e DHD-së. Nuk ngelet gjë tjetër, vetëm fuqia e qytetarëve, ata kanë për të detyrë që të shpartallojnë. Protestat tek Unaza janë çdo ditë”, deklaroi Balliu.
